Google ADS

Presidenti i FFK-së i uron mirëseardhje Toni Domgjonit dhe rrugëtim të suksesshëm me Dardanët

20:14 | 5 Tetor 2021
KRG

Presidenti  i Federates së Futbollit të Kosovës, Agim Ademi si zakonisht edhe sot e ka ndjekur nga afër stërvitjen e Kombëtares së Kosovës, teksa për disa çaste ka bashkëbiseduar me futbollistin, Toni Domgjoni, i cili është prurja më e re në ekipin kombëtar.

Ademi edhe një herë i ka dëshiruar mirëseardhje në radhët e Dardanëve futbollistit të klubit holandez, Vitesse, duke uruar që ai të ambientohet sa më shpejtë me ekipin dhe të ketë rrugëtim të suksesshëm me Kosovën, me shpresën se shembullin e tij do ta ndjekin edhe shumë talente tjerë kosovarë që janë zhvilluar si futbollistë në Evropë.

Ndërsa futbollisti Toni Domgjoni e falënderoi presidentin Ademi për mbështetjen dhe mikpritjen e ngrohtë si nga ana e stafit, ashtu edhe nga bashkëlojtarët dhe u zotua se do të japë më të mirën e tij në fanellën dardane. /arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm